Veterano, pensionado ha adulto mayor oñepyrũ okobra ko árape

Agencia IP.- Umi veterano Guerra del Chaco-gua, adulto mayor ha ambue pensionado oñepyrũ okobra ko árape guive ivirurã jasy enero rehegua. Upéicha he’i pe calendario de pago Ministerio de Economía y Finanzas-gua (MEF). Ko virume’ẽ ojejapo red bancaria rupi.

Dirección General de Pensiones No Contributivas (DGPNC), oikéva Gerencia de Gestión Administrativa del Estado ryepýpe, he’i kuri enero 2025 peve oĩ 5.186 tapicha okobráva.

Ko’ã ha’e 4.459 veterano heredero, 291 pensionado graciable ha 433 heredero polisía ha milíko omanóva omba’apo jave guáva. Upéicha, ojepaga hetave G. 12.700 millón-gui.

Avei, Ministerio de Desarrollo Social (MDS), oguerekóva ipoguypegua pensión alimentaria, omovirume’ẽ G. 226.000 millón 300.000 adulto mayor kuérape g̃uarã.