Paraguarí tasyo omotuichave ifarmacia oñatende porãve hag̃ua tapichakuéra

Agencia IP.- Paraguarí tasyo IX Región Sanitaria rehegua omotuichave ifarmacia ha omoñepyrũ mokõi ventanilla oñeñatende pya’eve hag̃ua umi hasýva urgencia ha internado kuérape, ha umi oúva consultorio externo rupi.

Ko mba’e pyahúva oipytyvõitereíta opaichagua tapicha ohóva upépe, ipya’eve ha oñemohendave porãve avei umi hasýva ha pohanohára kuérape g̃uarã.

Avei, oñeme’ẽ pe farmacia-pe tembiporu pyahu, ha’eháicha ambue equipo informático ha estante oñemohenda porãve hag̃ua umi pohã.

Ko tasyo ome’ẽ kuri hiaguyje Comando Artillería-pe oipytyvõ haguére omopu’ã hag̃ua umi refracción oñeikotevẽva.

Ko’ã mba’e ojejapo ramóva ohechauka pe ñe’ẽme’ẽ orekóva Ministerio de Salud Pública (MSPBS) oñangareko porãve hag̃ua tetãyguakuérape.