Paraguay
Oñeme’ẽ Itaipúpe umi gua’a hovy ha sa’yju guyra’i ojeipe’áva tráfico ilegal-pe

Agencia IP.- Ministerio del Ambiente y Desarrollo Sostenible (Mades) ome’ẽ kuri Itaipu Binacional-pe mokõi gua’a hovy ha sa’yju (Ara ararauna) guyra’i.
Diana Pésole, mymbapohãnohára Centro de Investigación de Animales Silvestres Itaipu-gua (CIASI), omombe’u oñangarekóta hikuái ko’ã guyra’ire, ikatu hag̃uaicha ojeikuaa hesãipa. Upéi, omoĩta oñondive ambue guyrandi, oĩva Proyecto Canindeyú ryepýpe.
Avei, Carlos Coronel, omba’apóva Mades-pe, he’i ko’ã guyra’i ojeipe’a kuri peteĩ operativo rupi. Ko’ãichagua tembiapo ojejapo oñembohovái hag̃ua tráfico de fauna silvestre.
«Tráfico ilegal fauna silvestre rehegua ha’e peteĩ desafío tuichavéva rombohováiva. Ore rome’ẽ ore ñe’ẽ roñorãirõ ko mba’e vai, ha romba’apóta oñondive upéva g̃uarã», he’i kuri Coronel. Avei, omomba’eguasu tembiapo omoarandúva ha jeipe’áva omotenondéva oñondive Centro Ambiental Tekotopa oipytyvõva ko’ã mymba opa potáma.
Julio Mareco, motenondehára Vida Silvestre Mades-gua, ohechauka pe pytyvõ Itaipu ndive, Tekotopa ha CIASI rupive, ikatuha ojerehabilita ha, amo hapópe, ojepoi mymba ojeipe’áva tráfico-gui.
«Ko gua’a ñeme’ẽ ohechauka tuicha mba’e oñemba’apo ramo oñondive, ha tuicha oipytyvõ avei roñangareko hag̃ua Paraguái mymbakuéra», ohechakuaa.
-
Notas1 semana hace
Oguejyvéta combustible Petropar-gui
-
Paraguay2 semanas hace
Aprueban guía de manejo para eliminar transmisión materno-infantil del VIH, sífilis, hepatitis B y Chagas
-
Paraguay1 semana hace
Pronostican lluvias y ocasionales tormentas eléctricas para este sábado
-
Notas2 semanas hace
Santiago Peña visitará Salto del Guairá para inaugurar obras y reafirmar el compromiso con el desarrollo urbano