Mba’éichapa remopotĩ porã arã ne bombilla

 Agencia IP.- Tereré ha mate ha’e tuicha mba’e ñane retãme, ha heta tapicha hoy’u hikuái ára ha ára. Ha katu ojeporúramo peteĩ bombilla noñemopotĩporãiva ikatu ojapo vai ñane tesãire. Ko marandúpe, romombe’úta ndéve mba’épa ikatu rejapo emopotĩ porã hag̃ua ne bombilla.

Peteĩ bombilla noñemopotĩporãiva ikatu oreko hetaichagua bacteria ha hongo. Humedad ha mba’e ky’a opytáva yerba-gui ñande bombilla-pe ikatu ombokakuaa microorganismo, ikatúva ñanembohasy infección-gui térã problema gastrointestinal.

Avei, peteĩ bombilla iky’áva ikatu omoambue kũmby ha tyakuã orekóva mate térã tereré. Ikatu reñandu peteĩ sabor iróva térã metálico, avei umi hyakuã vaíva, ha upéicha ndahéi ñane mate térã ñande tereré.

Mba’éichapa ikatu romopotĩ porã ñande bombilla?

Ani hag̃ua oiko ndéve ko’ã mba’e vai, tekotevẽterei ñamopotĩ jepi pe bombilla, ha jajapo peteĩ ñemopotĩ puku káda 15 ha 30 ára, odependéva jeporu rehe. Iguýpe, romombe’u ndéve paso a paso reasegura hag̃ua nde bombilla opyta porã ha potĩ:

• Mba’épa reikotevẽta: Peteĩ mba’yru, y ha bicarbonato de sodio.

1. Ñamyenyhẽ ygui pe mba’yru ha ñamoĩ ypýpe mokõi térã mbohapy cucharada bicarbonato de sodio.
2. Ñamoĩ pe bombilla pe mba’yrúpe ha jaheja topupu 10 a 15 minuto rupi.
3. Pe y opupu aja rohechátama iñypytũha, ohechaukáva oñemboykeha umi mba’e ky’a.
4. Roipe’a pe bombilla ha jajohéi y ro’ysãme.
5. Roñemoĩ peteĩ paño ipotĩva ári. Jaheja toñemokã año jaipuru jey mboyve.
6. Rehechakuaáramo opytáiti mba’e ky’a pe bombilla ipýpe, eipuru peteĩ cepillo de bombilla reasegura hag̃ua ipotĩmbaiteha.

Oñemopotĩ porãvo pe bombilla, roasegura iporãha kũmby ha tyakuã, avei hesãi umi oguerohorýva ko jepokuaa ojehayhuetéva ñane retã pukukuépe.