Ikatúma ojejapo ambue trámite Ministerio de Desarrollo Social rehegua Portal Paraguay rupi

 Umi oikotevẽva ikatúma ojapo trámite térã ojerure ambue kuatia, ikatúva ha’éva Programa Tekoporã, Tekoha ha Pirakutuhárape g̃uarã. Ko mba’e pyahu ojejapóva omotenonde hína Ministerio de Tecnologías de la Información y Comunicación (Mitic) Programa de Apoyo Agenda Digital ryepýpe.

Mitic he’i kuri ko’ã servicio oiméma ojeipuru hag̃ua. Ikatu reike www.paraguay.gov.py, térã rembogejy pe app. Upéicha, tapichakuéra ndoikotevẽma oho pe oficina Ministerio de Desarrollo Social-pe.

Ikatu ojerure ojeike hag̃ua Programa Tekoporãpe, oñeporandu hag̃ua ambue mba’e, térã ojeikuaa hag̃ua oĩpa programa ryepýpe.

Programa Tekoha rehegua ikatu ojepaga, ojetitula yvy, térã jeike, jerure, ñeporandu ha jeipe’a. Avei, ikatu ojerure no objeción oñemopu’ã hag̃ua hóga.

Umi pirakutuhára ikatu ojerure tojeipe’a hesekuéra, térã ambue kuatia ha tojencuesta hag̃ua.

Umi oipuruséva ko sistema, ojapo arã pe Identidad Electrónica. Upéi, ojupiva’erã hikuái héra, ára heñói hague ha ambue. Avei, ojupiva’erã foto de cédula, ha ambue mba’e oporandúva omoañete hag̃ua identidad.

Oiko ramo ciudadano ndoikatúi ombohovái hekoitépe umi porandu validación térã oreko ambue apañuãi, pe solicitud ohasa Mitic-pe ojeverifica hag̃ua, ha ombohováiva 24 aravo oúvape ikatu hag̃ua pe perfil ojeactiva.

Ko mba’e ndojepagái hína, ojejapóva personalmente ha en línea, natekotevẽi ojegueraha kuatia institución-pe.