Primera dama Paraguaigua omotenonde Alianza de Primeras Damas rehegua

Ñane Primera Dama Leticia Ocampos, omotenonde Alianza de Cónyuges de Jefes de Estado y Representantes (ALMA), ojejapóva kuehe arakõi 18 jave, 78.º Asamblea General Naciones Unidas rehegua, táva Nueva York-pe.

Ko aty ojapóva Primeras Damas 10 tetãyguáva: Argentina, Brasil, Chile, Colombia, Costa Rica, Ecuador, Honduras, Panamá, República Dominicana ha Paraguái, omba’apóta omoakãrapu’ã hag̃ua relaciones diplomáticas ha ñepytyvõrã opa mba’épe, ha avei ombohape hag̃ua tembiapokue mbojopyruka, oipytyvõkuaa hag̃uáicha mburuvichakuérape.

Ocampos ohechauka irundy tembiapo ejes estratégicos Primera Dama mba’apoha rehegua ha’eva kuña-mitã-arandupy ha turismo interno rehegua.

Omombe’u pe kuña rehegua oñemba’apóta oñemombareteve hag̃ua viru jeporu rehegua, oñehekombo’etahápe mba’eapokuaa ha viru jeporuporã rehe, avei oñeme’ẽtahápe pirapire ñepyrũrãva umi kuñataĩ omba’aposéva ijeheguípe.

Péicha avei, Primera Dama omba’apoha oñepyrũma omotenonde tembiapo mesakuéra rehegua peteĩ mba’evai oikóva tetãnguérape rehe, ha’éva kuñanguéra jeguereko asy, ndaha’eitahápe oñema’ẽva kuña ñemo’ã rehe añónte, avei oñemba’apóta kuña ojejahéiva ñehekombo’e ha tekoasy ñehenonde’áre, oñemba’apotahápe tuichaháicha, mba’ekuaáre mitãkuñami guive.

“Mitãnguéra rehegua romoakãrapu’ãta mitãreko romomichĩvekuaa hag̃ua arapa’ũ, romboguatatahápe tembiapo tetãháicha mitareko rehegua, oĩtahápe pa’ũ pyahu mitã akãrapu’ãrã opaite mitãnguéra orekotahápe mokyre’ỹ, tembi’u ha tesãireko, romba’apotahápe avei hogayguakuéra ndive ikatu hag̃uáicha oikoporãve tenonderã gotyo”, he’i Ocampos.

Avei oñemoakãrapu’ãta, pe Ley de Fomento a la Lectura osẽramóva guive, oñemyerakuãta ñemone’ẽ-ñeikumby mitãnguéra mbo’ehaoguáva, oikótava tembiporúramo iñakãrapu’a hag̃ua mba’ereñói, ñehesa’ỹijo ha okakuaa hag̃ua mitãnguéra mba’ekuaa.

“Arandupy aty rehegua oikehápe opaite mba’ekuaa, chéve g̃uarã tuicha mba’éva, ajapyhyhápe ko tembiapo guasu Casco Histórico táva Paraguay rehegua ymaguare iporãngue, ogaguasu momba’eguasujey, arandupy ha toku’ejey tuichaháicha turismo ha viru ñegana ñane retãme”.

Ipahápe katu, Turismo tetãyguáva rehegua, toñemoĩ Paraguái ojehecha hag̃uáme peteĩ tenda ojehosehávaramo, oikokuaatahápe aty guasu ha tojehecha yvyrakuéra ipotypáva ijojaha’ỹva iporãnguépe ka’arupytũ gotyo, popepirũ pejupávo ha rombohapéta peneñesẽ tembijegua jehecharã iporãvévape, roguereko y rayhu añeteguáva ndoroguerekóiramo jepe paraguasu, ore arandupy ypykuéra mba’áva ymaguare ha tembi’u hekuépe ijojaha’ỹva,”, omombe’u.