Mba’épa ikatu rejapo noñeme’ẽi ramo ndéve nde aguinaldo-rã

Asunción, Agencia IP.- Umi mba’apohára noñeme’ẽi kuri ijaguinaldo-rã ikatu oho odenuncia Mba’apo, Jeporomomba’apo ha Tetãygua Jeikoporã Motenondehápe (MTESS), ikatúva ha’e Paraguaýpe térã ambue tetãvorépe. Avei, ikatu ojeho upépe, oñehenói térã ojehai web rupive.

Ko’ãichagua denuncia ikatu ojejapo MTESS-pe oĩva Paraguaýpe (tape Herrera ha Paraguarí ári). Avei, ikatu ojejapo ambue 14 sede regional orekóva ko institución tetã ryepýpe, 07:00 aravo guive 15:00 aravo peve.

Ikatu ojehenói (021) 729 0100 ha celular (0993) 308 100 térã ojehai denuncias.mtess.gov.py-pe.

Umi odenunciaséva ikatu ojekuaauka hikuái, térã ohai anónimamente umi reclamo orekóva.